- Mosha
U plake-u thinje-u rrudhe,
më kot ti mendjen e vret,
do shkojmë të gjithë asaj udhe,
çdo moshë ka bukurinë e vet!
- Pa titull
Kur shqiptari hipën në pushtet,
mund të shohësh skena fort komike,
veten të përjetshëm e mendon,
dhe e monton bythën në karrige!
Po pushtetet bien pa pushim,
këputen pa frymë si gjeth’ i plepit,
veç bythët ke të tuat-miku im,
se karrigia është gjithmonë e shtetit.
- Thika dhe fjala
Mund të goditesh me thikë,
edhe dhimbjet një ditë do harrohen,
po një fjalë e rëndë që del nga goja,
shkakton plagë që kurrë nuk shërohen!
- Pa titull
Stako trurin-ti më thua,
dhe mos e prish terezinë,
edhe unë këtë gjë dua,
po truri s’punon me spinë!
- Pa titull
Ata që ikën na e lanë,
të patrazuar cakun:
“I mençuri s’matet me budallanë,
as trimi me frikacakun!”
- Pa titull
Kur gjëmojnë shumë daulle,
dhe kambana pa pushim,
pak bereqet do të kemi,
në hambare-miku im!
- Pa titull
S’e kishim menduar kurrë,
jo-mor-jo s’e kishim ditur,
se do kish ky vendth i vogël,
kaq shumë të babëzitur!
- Pa titull
Sikur Jezu Krishti,
mos ishte vërtetë,
Jezu Krishtin njerëzit,
do ta shpiknin vetë.
Në djepe floriri,
do ta kishin tundur,
të kishin një Yll,
për shpresën e humbur!
Botuar në Dita, 22 Maj, 2017
MJERË KY POPULL
Krenar, i humbe zgjedhjet,
me flokët të lyer me kna,
ti vazhdon pasurohesh,
bota të kujton për budalla.
Ti humbjen nuk e njeh,
dhe e quan mos fitore,
si përherë bën reflektim,
por asnjëherë heqje-dore.
Turp dihet nuk ke fare,
karriken nuk e lëshon,
nga humbja në shkatërrim,
Partinë demokratike po çon.
Populli proteston n’shesh,
ti bën mbledhje në bunker,
edhe Salianji të doli kundra,
e me militanten bëri sherr.
Do shënohesh në histori,
si politikani më idiot,
që nuk fitoi asnjë betejë,
qahesh për kurthe e komplot.
The se zgjedhjet ti vodhën,
blerje e masakra zgjedhore,
nuk guxon as të protestosh,
ambasadorja të merr për dore.
Mohon dhe evidencën,
dhe veç broçulla tregon,
kapur peng nga korrupsioni,
kryetarllëkun nuk e lëshon.
Në fakt ti Lul je dëshmia,
që nuk ka meritokraci,
po kape ndonjë vend pune,
përjetësisht aty rri.
Ti je dëshmia në Shqipëri,
që në poste katapultohesh,
ku prevalon interesi personal,
e vetëm kështu pasurohesh.
Ti je dëshmia e vërtetë Lul,
që partia si pronë trajtohet,
dhe politika është një kurvë,
që nuk ka pse turpërohet.
Mjerë ku popull i pashpresë,
që veç kurva politike voton,
në 3 dekada e hëngri sa krahu,
tani për bukë del e proteston!