Epigrame për pushtetarë dhe zagarë

Edi Ramës

Kishe mundësi që për së gjalli,
t’i ngrije vetes përmendore,
s’e dimë nga halli a nga malli,
po futesh krejt në rrugët qorre?!

Monikës dhe LSI-së

Rrugën e saja e filloi,
si strehë e shokëve dhe e fisit,
po pak nga pak na degradoi,
varianti shqipo i ISIS-it!

Sali Berishës

Eh, ti ke qënë për Shqipërinë,
një ujk, një krye-tradhëtar,
ta bëja unë Drejtësinë,
thjeshtë do të varja në litar!

Lulëzim Bashës

Je kalama dhe i papjekur,
je për të lojtur me kopaçe,
të bësh të fortin je përpjekur,
po ti je thjesht një tollumbace!

Jozefina Topallit

Nga ty s’ka pasur më të ndyrë,
në sharje ishe plot talente,
tani për Edin je e mirë,
sa të mendon si Presidente!.

Gramoz Ruçit

Ti burrërinë e ke prej famës,
një shtyllë e fortë je dhe tani,
po s’di pse urë i bëhesh Ramës,
i miraton çdo marrëzi!

Shpëtim Idrizit

Nuk di ç’të them tamam për tyja,
se asnjëherë s’të dihet caku,
plot qesharakë ka Shqipëria,
po ti je krye qesharaku!

Partisë Socialiste

Me ty humor s’mund të bëj dot,
se do më tallte gjithë bota,
se ti ke mbetur jetë e mot,
hambari më i madh me vota!

Erion Veliajt

Nuk je një djalë për t’u tallur,
këtu ke bërë një mrekulli,
me punë Lulashëve u’a ke kallur,
e do t’ua kallësh përsëri!

Agron Dukës

Nuk po të them tek Socialistja,
Kusho-të kthehesh përsëri,
shpesh të kam thënë: “Ik nga SHQUPISHTJA”,
se ajo hale s’është për ty!.

Sajmir Tahirit

Ke mbrapa gjithë një zagari,
edhe gjith’ llumin e këtushëm,
po në Tiranë e Shqipëri,
je një i pazëvendësueshëm!

Dy vite plot Prokuroria,
me bukë në trastë të është qepur,
po trapin po të rruajnë ty,
se asnjë provë s’të kanë gjetur!

Erion Braçes

Nuk të kam dashur dhe s’të dua,
dikur ke qënë një shërbëtor,
mban mend se ç’turp shkrove për mua,
kur ishe kryeredaktor?!

Jo nuk i re anës e anës,
o sinonim me kokoroçin,
unë – “Kuestori i Tiranës”,
do asgjesoja Spartak Poçin!

Arben Duka