Erdogan i dhuroi Papës një…ferman (VIDEO)

Gjatë vizitës së Papa Françeskut në Turqi ra në sy edhe dhurata e Rexhep Taip Erdogan, për kreun e Vatikanit.

Erdogan i ka dhuruar Papa Françeskut, fermanin e Sulltan Mehmet Hanit, drejtuar liderëve katolikë në Bosnjë, në të cilën garantohen të drejtat e plota për ushtrimin e besimit dhe ndërtimin e objekteve të kultit (të besimtarëve katolikë)

Fermani i Sulltan Mehmet Hanit:

“Unë Fatih Mehmet Sulltan Hani, me bamirësi i urdhëroi klerikët katolikë të Bosnjës, të kryeni pa frikë adhurimet në kishat tuaja, dhe të qëndroni në vendin tuaj. Askush nga vezirët e as nga nëpunësit e mi, nuk do ta cenojë dinjitetin tuaj, dhe nuk do të ofendoheni. Betohem në emër të Allahut, Pejgamberit (Muhamed), Kur’anit dhe në emër të shpatës që kam ngjeshur në brez, së jetët, pasuria dhe kishat e juaja, do të jenë në sigurinë time, derisa të më mbeteni besnik”.

Papa Françesku me 28 nëntor të muajit të kaluar ka filluar një turne treditëshe në Turqi.