Shqipëria do të përfaqësohet vetëm me Shqiponja Brahjan në Europianin e Peshëngritjes në Tbilisi, pasi Erkand Qerimaj është tërhequr nga kjo garë.
I kontaktuar në telefon nga TCh, kampioni i Europës në fuqi në peshën 77 kg ka pranuar se dëmtimi në mes e ka detyruar të marrë këtë vendim.
26-vjeçari shkodran pohoi se pasi ka bërë rezonancën manjetike dhe pas konsultimeve me mjekët italianë, ka vendosur të qëndrojë rreth 1 muaj larg shtangës në mënyrë që të rikuperohet sa më shpejt, për të qenë gati për Botërorin e nëntorit, i cili është njëkohësisht garë kualifikuese për Lojërat Olimpike “Brazil 2016”.
Tërheqja e të vetmit peshëngritës elitar shqiptar nga ky kompeticion bën që të pakësohen shpresat tona për një medalje, pasi Shqiponja Brahja është një peshëngritëse e cila i është rikthyer këtij sportit para 1 viti e gjysmë pas një pezullimi 2-vjeçar për shkak të përdorimit të dopingut.
Bravo Qerimaj e ke kuptuar qe smund ta kalosh testin antidobing dhe terhiqesh.
Me mire keshtu, rri te pakten kampion ne Shqiperi.