Erla Mëhilli i bie… nga Kavaja

Erla Mëhilli, zëdhënësja personale e ish-kryeministrit Berisha, është bërë shumë e ndjeshme kohët e fundit, jo se nuk ka qenë, por gjithmonë e më shumë ndjeshmëritë e saj i ndan më të tjerët në Facebook.

Kështu ka bërë edhe dy ditët e fundit. Gjëja e parë që e ka shqetësuar shumë janë fotot e Enver Hoxhës që shoqëruan festimet e 70-vjetorit të Gjirokastrës. “Ndërkohë Ati i Shenjtë tha se zgjodhi të vizitonte Shqipërinë për shkak se vendi ynë ka vuajtur nga komunizmi.

Ne po i urojmë mirëseardhjen duke i thurur lavdi veprës së Enver Hoxhës, plus duke rregulluar divanet dhe futur plehrat poshtë tapetit”, shkruan Mëhilli. Një tjetër detaje që i ka tërhequr vëmendje është vizita e kryeministrit Rama në Kavajë dhe deklaratë që ai ka bërë nga ky qytet duke thënë se “Bëni trotuare ku të ecë e tërë familja, jo burri para e gruaja t’i vijë mbrapa”.

Kaq i ka mjaftuar Erlës të “kthehet” në Tiranë e të kapet me deputetin Koço Kokëdhima. Në profilin e ajo shkruan “Jam plotësisht dakord! Ama duhet të kishte parë edhe trotuaret që ka bërë Koço tek Komuna e Parisit në kohën kur ky Kryebashkiaku i Republikës sot ishte Kryebashkiak i Kryeqytetit”.

Ja një vajzë praktike, që i bie nga Kavaja për të zbuluar… Tiranën!