Një punonjës i HEC-it në fshatin Treskë të Ersekës denoncoi rrëmbimin për pak minuta nga 3 persona të maskuar dhe të panjohur, që i kanë thënë se e bënin për shkak konkurrence, ndërsa e lanë të lirë më pas.
Policia nisi hetimet për “rrëmbim ose mbajtje peng e personit në rrethana lehtësuese”, kurse kallëzimi i parë u bë nga P. M., 30 vjeç, përgjegjës i punimeve të kompanisë. Personi i marrë peng është I. M., 38 vjeç, banues në Zapod të Kukësit, që u la i lirë në aksin Ersekë-Qafa e Qarrit.