Një 29-vjeçar u ndalua nga policia vendore pasi akuzohet se ka plagosur dy bashkëshortë pas një sherri për pronësinë dhe zhvendosjen e kioskës. I ndaluari është Eugen Nezo, 29 vjeç, banues në Ersekë. Ngjarja ka ndodhur dy ditë më parë, kur i dyshuari ka goditur disa herë me thikë në krah 36-vjeçaren M. Bedullaj, dhe në dorë bashkëshortin e saj F. Bedullaj, 45 vjeç, duke iu shkaktuar dëmtime të lehta dhe u mjekuan në spital. Gjithashtu Nezo u ka thyer edhe xhamin e pasmë të mjetit “Mercedes Benz”, në pronësi të të dëmtuarve.