Patrice Evra rrezikon seriozisht! Shkelmi në fytyrë ndaj një tifozi të Marsejës, para ndeshjes së Europa League kundër Vitoria Guimaraes, mund të ketë qenë gjesti i tij i fundit me fanellën e Olympique.
Në gazetat franceze ka dalë hipoteza “e butë” për të dënuar çmendurinë e tij me 7 muaj skualifikim dhe ajo “ekstreme” e përjashtimit nga ana e klubit.
Sondazhi i bërë nga “L’Equipe”, ku tifozët pyeten nëse sulmi ka shënuar fundin e karrierës së mbrojtësit të majtë, pjesa dërmuese e pjesëmarrësve, thuajse 90%, kanë votuar “PO”.
Pra, e ardhmja e Evra duket e shënuar, edhe pse për momentin të vetme siguri janë skualifikimi për ndeshjen e ardhshme europiane të francezëve kundër Konyaspor dhe një hetim i hapur nga drejtuesit e OM në lidhje me sjelljen e lojtarit.
Në komunikatën e klubit lexohej: “Në çdo rast një futbollist profesionist duhet të jetë gjakftohtë dhe mos të reagojë ndaj provokimeve sado të pajustifikuara dhe të ashpra qofshin ato. Klubi ynë e ka të pamundur të penalizon këta pseudo-tifozë që shajnë në vend që të mbështesin ekipin.”
Më i ashpër ka qenë reagimi i trajnerit Rudi Garcia: “Evra ka një përvojë aq të madhe sa ai vetë e di që ka bërë gabim që reagoi.”
Marseja nuk prononcohet haptazi, ndryshe nga shtypi spanjoll. “I pambrojtshëm. Një gjest i turpshëm, që mund t’i kushtojë shtrenjtë,” – ishte titulli i “L’Equipe”. Për një tjetër gazetë në Francë, “France Football”: “Evra humbi toruan, si pasojë e kritikave për paraqitjet e tij nën nivel. Bëhet fjalë për një gjest që do të ketë pasoja.”
Evra u soll si Cantona në vitin 1995 kur shkelmoi një tifozët të Crystal Palace, kur luante me Manchester United, duke u skualikifuar për 7 muaj nga Federata Angleze e Futbollit dhe u dënua me 120 orë punë sociale nga gjykata.
Në rastin e Evra pritet edhe një dënim shembullor nga UEFA, organizatore e Europa League.