Eurodeputetja Tanja Fajon ka deklaruar se aktualishti zgjerimi i Bashkimit Evropian aktualisht nuk është prioritet, por se procesi nuk rrezikohet kur është fjala për vendet e Ballkanit Perëndimor.
“Në një situatë të krizës ekonomike, e cila ka përfshirë Bashkimin Evropian prej gjashtë vjetësh, zgjerimi nuk është në krye të axhendës së BE-së. Megjithatë, ky vit mund të jetë domethënës për Ballkanin Perëndimor”, ka thënë Fajon për mediat serbe.
Sipas saj, nga rajoni vijnë vazhdimisht lajme pozitive. Fajon ka veçuar këtu Kroacinë, e cila do të bëhet anëtare e BE-së më 1 korrik, ndërsa ka thënë se Mali i Zi ka qenë gjithmonë shembull pozitiv për rajonin.
Fajon është anëtare sllovene e Parlamentit Evropian dhe raportuese e këtij institucioni për çështjet e vizave. (/rel)