Familja i turret Taulantit

Ia arritëm ditës kur Shkëlzen Berisha akuzon të tjerët për shpërdorim parash. Kjo është “mrekullia e lirisë” – sic do ta quante babai i Zenit. Një foto nga ndeshja e javës Real-Bayern, e publikuar nga një gazetë spanjolle, ku shfaqej shougirll e televizionit TCH Xhemi Shehu dhe deputeti i PS Taulant Balla me bashkëshortët  ka ngjallur jo pak debate. E ka publikuar foton në profilin e tij edhe Zeni që ironizon: “Rrogëtari hallexhi, Taulant Balla, duke përfaqësuar zgjedhësit e varfër dhe të papunë të Librazhdit në Spanjë në ndeshjen Real Madrid – Bayern”. Një reagim ka ardhur edhe nga Balla, mbrëmjen e së enjtes. Ai hodhi një akuzë  nga Parlamenti lidhur me shpenzime luksoze nga kampi i djathtë. Balla përmendi djalin e ish-kryeministrit, kur tha se “Shkëlzen Berisha, me bashkëshorten e tij, ka shkuar me pushime në hotelin më luksoz të botës që gjendet në ishujt Maldive”. Ndërkohë, në statusin e daja Zenit ka reaguar edhe Dasara, e cila shkruan: “Boh, ja kush paska qenë tersi ndeshjes së Bayern”. Edhe kunati, Jamarbër, ka bërë një superstatus për Taulantin. Po edhe Taulanti, ters i madh me thënë të drejtën. Nga mijëra vetë revista sportive MARCA shkon e kap Taulantin e PS-së, një ditë pasi kolegu i tij Majko ishte ankuar për shpenzimet e atyre që kalojnë fundjavat duke parë ndeshjet jashtë. Po ku të le Marca të shikosh një ndeshje rehat :).