Familjarët e viktimave të 21 janarit kërkojnë drejtësi

Familjarët e viktimave të 21 janarit shpresojnë ende se do të bëhet drejtësi për autorët që qëlluan, duke vrarë të afërmit e tyre.

Ata bënë homazhe pranë selisë së Kryeministrisë, atje ku 5 vite më parë me plumbat e Gardës së Republikës humbën jetën 4 shtetas dhe u plagosën dhjetëra të tjerë.

“Erdhëm për të kujtuar 21 janarin, drejtësia do bëhet,  do bëhet me reformën në drejtësi..ashtu na tha edhe kryeministri”, tha një e afërme e Faik Myrtajt.

Ndërsa një tjetër është shprehur se kjo ditë ka sjellë edhe shumë probleme shëndetësore dhe ekonomike për familjen Myrtaj.

“Me tërë problemet ndihemi si ndihemi…nga këto shqetësime unë u operova me sëmundje të keqe, gjendja ekonomike, jo mirë…”