Dërguar me Email
në adresën e redaksisë
Fatkeqësia e PD-së është një dhe vetëm një: Edi Rama erdhi në pushtet me votë. E më keq se kaq për PD-në: Zgjedhjet i organizoi Saliu, president ishte Bujar Nishani (Zhvejku i Saliut), kryeprokuror ishte Llalla i emëruar nga po vetë Saliu. Të gjitha këto së bashku sollën Ramën në pushtet, me votë. Kjo ishte fatkeqësia më e madhe për Saliun. Për një arsye të thjeshtë: Një qeveri e ardhur në pushtet me votë, nuk mund të rrëzohet në asnjë mënyrë tjetër përveçse me votë. Kjo e tërbon Saliun dhe ja lidh duart e krimit. Kjo e paralizon bandën e tij kriminale. Sali Berisha mbasi pranoi humbjen dhe dha dorëheqjen si kryetar de-jure i PD-së, ditën tjetër menjëherë ngriti akuzën se Rama-Meta kishin vjedhur votat. Arsyeja? Nuk mund të pranonte dot deri në fund se iku nga pushteti me votë, sepse kjo i paralizon dorën kriminale.
Frika e braktisjes përfundimtare nga votuesit e detyron Saliun të tensionojë situatën. Votuesit e PD-së e dinë se sa të jetë gjallë Sali Berisha, PD-ja nuk vjen dot në pushtet.