Fjalori më besuar online amerikan e ka quajtur “feminizmin” si fjala e vitit 2017 pas një rritjeje të jashtëzakonshme në kërkimet në internet.
Fjalori i ‘Merriam-Webster’ tha se interesi për këtë term ishte nxitur nga marshimet e grave, shfaqjet e reja televizive dhe filmat mbi çështjet e grave dhe vargjet e lajmeve mbi sulmet seksuale dhe pretendimet e ngacmimeve.
Fjalori e definon feminizmin si “teorinë e barazisë politike, ekonomike dhe sociale të gjinive”, ndërsa thekson se është gjithashtu “aktivitet i organizuar në emër të të drejtave dhe interesave të grave”.
“Ngjarje të tjera që tërhoqën interesin për feminizmin si fjalë ishin seritë e njohura televizive si “The Handmaid’s Tale” dhe filmi “Wonder Woman”, i drejtuar nga një grua Patty Jenkins”, tha leksikografi Peter Sokolowski.
Po ashtu edhe fushata #MeToo bëri një jehonë pas akuzave për manjatin e filmit, Harvey Weinstein, dhe vendosja e një grupi të grave “The silence breakers” në ballinën e revistës Time si personat e vitit 2017.
Ishte pikërisht kjo fushatë që largoi nga postet e tyre shumë personalitet të famshme të mediave, politikës dhe botës se artit.
Feminizmi ka qenë në top 10-en e fjalëve më të kërkuara në fjalor gjatë viteve të fundit ndërsa fjala “Surreal” ishte fjala e vitit të kaluar.