Si do të ndjeheshit po të mësonit se “çunaku” shtatshkurtër që ju ka “punuar qindin” në futboll, në fakt është një vajzë?
Ky është rasti i Brenda Perezit, futbollistes e cila i la të gjithë gojëhapur kur e hoqi maskimin teksa bëhej gati të gjuante një goditje dënimi, pasi kishte shfaqur talentin përballë disa lojtarëve amatorë meshkuj.
E tëra u organizua nga televizioni spanjoll “El Hormiguero” me qëllim “shembjen e disa miteve rreth futbollit të femrave”.
Vetëm gjyqtari dhe trajneri i ekipit të 21-vjeçares ishin në dijeni të rrengut.
Videoja u përhap menjëherë sapo u postua në “YouTube” dhe në faqen e televizionit në “Facebook” të enjten.
Brenda, e cila ka luajtur si profesioniste për ekipe si Valencia, Atletiko Madridi dhe Espanjoli, e cilësoi këtë “një përvojë të paharrueshme. Disa prej lojtarëve po më shikonin paksa çuditshëm”, u shpreh ajo.
¿Es el fútbol un deporte sólo de chicos? Hombres y mujeres con un balón en los pies pueden dar el mismo espectáculo.
Posted by Antena 3 on Wednesday, November 4, 2015