Pikat turistike të rajonit si Mavrova në Maqedoni apo Kolashini në Mal të Zi vazhdojnë të jenë destinacionet më të kërkuara nga shqiptarët për të kaluar festat e fundvitit.
Sipas Agjencive Turistike kërkesat për t’i kaluar festat jashtë vendit kanë pësuar rritje krahasuar me vitin e kaluar edhe për shkak të ofertave joshëse të vendeve fqinje.
Nuk mungojnë edhe destinacionet në vëndet e njohura të Europës. Por ndryshe nga vitet e tjera, mungojnë rezervimet në Paris. Për shkak të sulmeve terroriste të ndodhura në nëntor, agjencite nuk raportojnë asnjë grup që të ketë përzgjedhur kryeqytetin francez për pushime. Destinacion i munguar është edhe Dubai.
E ndërsa numri i shqiptarëve për të kaluar festat e fundvitit jashtë Shqipërisë është në rritje nga viti në vit, interesi i turistëve të huaj për të zgjedhur Shqipërinë për të kaluar këto festa lë për të dëshiruar. Agjencitë thonë se kërkesat janë minimale dhe vendin tonë e preferojnë vetëm disa grupe nga Bullgaria, të cilët frekuentojnë qytetin e Durrësit.
Vene te gjithe ata persona qe leket nuk i vene me djersen e ballit, por me metoda te njohura ne boten rrumpalles.