Vijon hetimi dhe aksioni për të dyshuarit e grupit që falsifikonte deftesat e shkollës së mesme në gjimnazin e Roskovecit. Pas arrestimit të drejtorit të shkollës dhe 3 specialisteve të Kurikulës së DAR Fier, nën akuzë janë marrë edhe 8 persona përfitues të deftesave. Kurse dje policia vendore njoftoi se mori nën akuzë një tjetër, A. Sh., 30 vjeç, banues në Durrës. Nga hetimet e kryera rezulton se edhe i riu është përfitues i një defetese fiktive me manipulime në regjistrat e shkollës së mesme.