Dy persona të kërkuar për akuzën e vjedhjes me urdhër gjykate u ndaluan dje nga policia vendore. Mustafa Abazaj, 27 vjeç, banues në Patos, ishte në kërkim pasi Gjykata e Rrethit Fier ka dhënë masën e “arrestit me burg”, si i dyshuar për veprën penale “vjedhje të kryer në bashkëpunim”. Më 11 janar 2014, me automjetin “Passat”, me targa AA348AF, ka shoqëruar mjetin tip “Fiat Talento”, me targa FR8711A, ku ishte instaluar një depozitë 1000 litërshe me solar. Kurse Klodjan Kapaj, 25 vjeç, u arrestua po për këtë akuzë.