Fieraku arrestohet me pistoletë në Tiranë

Një 22-vjeçar nga Fieri është arrestuar në Tiranë pasi në makinën e tij u gjet një pistoletë dhe një sasi e vogël kanabis.

Bëhet fjalë për shtetasin M. G., i cili në rrugën “Kostandin Kristoforidhi” është ndaluar për kontroll.

“Gjatë kontrollit fizik drejtuesit të mjetit, shtetasit M. G., i është gjetur një pistoletë tip “Zaztava” me krehër pa fishekë dhe 0.8 gramë lëndë e dyshuar narkotike Cannabis Sativa, të cilat u sekuestruan në cilësinë e provës materiale”, sqaron policia.

Materialet i kaluan për veprime të mëtejshme Prokurorisë së Rrethit Gjyqësor Tiranë në ngarkim të shtetasit të lartpërmendur për veprat penale “Prodhim dhe mbajtja pa leje e armëve dhe municionit luftarak” dhe “Prodhim dhe shitje lëndësh narkotike”.

o.j/dita