Ka ndjenja nga më të ndryshmet në dy vende të Europës, të goditura së fundmi nga FIFA për shkak të racizmit. Hungaria dhe Bullgaria do t’i luajnë ndeshjet e tyre eleminatore të radhës në shtëpi pa tifozë dhe shkak është bërë sjellja e një pjese të tifozëve.
Ndërsa mediat i bëjnë jehonë ndëshkimit, tifozët në Hungari, përgjithësisht janë pajtuar me dënimin, ndonëse jo tërësisht.
“Më duket pak i ashpër si dënim pasi vetëm disa tifozë u sollën keq, por kjo është praktika në Europë dhe ne duhet të mësojmë”, – thotë njëri prej tyre.
Një tjetër tifoz është më i mbarë. “Mendoj se është dënim i kuptueshëm dhe federata jonë duhet të jetë më e ashpër me këta tifozë”. Hungaria e mori dënimin për shkak të racizmit në ndeshjen ndaj Izraelit. Gjoba është 40 000 euro.
Në Bullgari, tifozët nuk janë kaq të qetë, ndërsa skuadra e tyre u dënua për shkak të racizmit ndaj një lojtari me ngjyrë në ndeshjen ndaj Danimarkës dhe u gjobit 35 000 euro.
Gazetat ishin thjesht informuese dhe nuk reaguan keq, veçse një pjesë e tifozëve ndihen të goditur.
“Mendoj se kjo nuk është e drejtë, po e pëson gjithë skuadra nga fare pak të çmendur”, – thotë njëri prej tyre.
“Dënimi ka gabuar shënjestër, pasi nuk godet ata që sillen keq, por gjithë tifozët e futbollit në vendin tonë”, – shprehet një tjetër, ndërsa më problematik gjykimi i tjetrit: U dënuam sepse jemi vend i Europës Lindore”.
Le të shpresojmë që të ketë përmirësime pas këtyre dënimeve.