Fitorja mbi Fashizmin, Dita e Europës

(Krimet e fashizmit nuk mund të kenë krahasim!)

Nëntë Maji në Kalendar,
s’u shkrua rastësisht,
por si Dita e Fitores,
përmbi terrorin fashist!

Kjo fitore madhështore,
dhe vitet e egra të luftimit,
i dha fund luftës më mizore,
të Historisë së Njerëzimit

Tani rinia e gjithë Botës,
njeh dhe shikon vetëm muzeumet,
ku ishin dushet e vdekjes,
dhe krematoriumet!

Askund s’kanë ndodhur tmerret,
që kanë ndodhur në Kampet e Përqendrimit,
janë etalonet e vetme,
që kurrë s’do ta kenë mundësinë e krahasimit!

Askush nuk duhet t’i injorojë,
tmerret e Luftës së Dytë Botërore,
ndaj të qènit antifashist,
është një detyrë dhe vlerë njerëzore!

Julius Fuçiku-Heroi i madh çek,
që në aty vite ka shkruar,
se barku që polli fashizmin,
akoma nuk është shterpëzuar!

Sot – kaq vjet pas Fitores,
nuk është se po shkruaj ndonjë skandal,
kur them se në Europë,
neofashizmi është një rrezik real!

Fashistët patën bashkëpunëtorë,
kuislingë dhe tradhtarë tè çdo ngjyre,
po askund tjetër-veç Shqipërisë,
as është tentuar rehabilitimi i tyre!

Duhet të jesh pèr vete,
një tradhëtar me talent,
që pas 74 vjetèsh,
kryekolaboracionistit t’i ngresh monument!.

Duhet të jesh një qen bir qeni,
një derr-dosë-ago gic,
që Shqipërinë antifashiste,
ta bësh pa turp me një “Aushvic”!?

Është e pamundur të mos shkasë,
një mëndje normale shqiptare,
vetëm të mendosh se këto poshtërsira,
janë hynere dhe sponsorizime qeveritare!

Të mendosh se një Institut i pjerdhur,
që takstat tona ka mjelë,
qè Heronjtë Antifashistë të luftës,
lehtësisht t’i shpallë kriminelë!

Këta lumpenë-Sali Berishën,
në çdo hap të tyrin kanë tutor,
por edhe Edi Rama s’mbetet mbrapa,
si më dorëlëshuari sponsor!.

Ne të “Ditës” ishim denonconjës,
më të fortë na bëri kjo përpjekje,
ndaj antifashistët më të betuar,
këtu do të jemi deri në vdekje!

Antifashizmi s’duhet të ketë ngjyrë,
dhe pse pjellë e nacionalizmit ka qënë gjithmonë,
po këtu-me nuanca të rrezikshme,
është shfaqur herë pas here tek e djathta jonë!

Shembull ideal është Amerika,
ku e majta thuajse nuk ekziston,
por fashizmi i çdo lloj forme,
shkatërrohet që në embrion!

Ne Europë propaganda fashiste,
është e ndaluar me ligj,
akoma dhe sot ndonjë fashist i mbetur,
kapet dhe dërgohet në gjyq!

Më së shumti Bashkimi Europian,
është një Bashkim i mirëfilltë Antifashist,
pavarësisht se tek-tuk po rritet,
nacionalizmi -si një front populist!

A.DUKA