Policia e Elbasanit ka ndaluar edhe bashkëshortën e 71-vjeçarit të vrarë, Lefter Zhidru.
Me gjetjen e arsenalit të armëve në banesë policia ka ndryshuar strategji ndaj 41-vjeçares duke nisur dhe një hetim.
Ajo akuzohet për moskallëzim krimi.
Për pesë orë me radhë dita e djeshme në Elbasan, pothuajse ishte një skenë lufte.
Duke mos u bindur për t’u dorëzuar, forcat speciale RENEA, ekzekutuan në banesën e tij, 71-vjeçarin e armatosur Lefter Zhidru.
Aktualisht trupi i viktimës ndodhet në morg, ndërsa asnjë familjar nuk është interesuar.
Ndërsa banorët i kanë kërkuar punonjësve të policisë të pastrojnë ambientin pasi ende ndjehet gazi i përdorur. Janë gjetur gjashtë kallëp tritol, ndonëse fillimisht policia nuk ka pasur asnjë të dhënë.
Ajo që bie në sy është se plumbat kanë shpuar edhe derën e banesës së fqinjit.
Gjatë përplasjes me Policinë, Zhidru plagosi edhe dy qytetarë të rastit.
j.l./ dita