Në këtë foto shihen regjisori Steven Spielberg dhe aktori Tom Hanks.
Filmi i fundit i Spielberg, “The Post “, kandidat për çmimet “Oscar” ka hapur diskutime, jo aq për përmbajtjen, se për vetë Spielberg
Autoritetet libaneze rekomanduan ndalimin e filmit me protagonistë Meryl Streep dhe Tom Hanks disa ditë para premierës në Bejrut, por pas reagimeve të zemëruara filmi do të shfaqet normalisht.
Spielberg është i përfshirë në “listën e zezë të Ligës Arabe” sepse i dha një milion dollarë Izraelit gjatë luftës së vitit 2006 me Hezbollahun në Liban.
Megjithatë, ministria e brendshme libaneze, e cila vulos automatikisht vendimet e agjencisë, do të lejojë që filmi të shfaqet.
Filmi i Spielberg sjell në dritë një rast që tronditi SHBA dhe që lidhet me skandalin e “Dosjeve të Pentagonit” të vitit 1971.
Bëhet fjalë për botimet nga gazeta Uashington Post të dokumenteve të Pentagonit ku ekspozoheshin gënjeshtrat e Shteteve të Bashkuara në lidhje me luftën në Vietnam.
n.s. / dita
