Pas udhëheqësve komunistë, Sali Berisha është një nga politikanët më jetëgjatë në skenën politike pas vitit ’91.
Ai do të zgjidhej President, ndërsa do të largohej në ’97, i akuzuar për skemat piramidale dhe për krijimin e një strukture famëkeqe si SHIK-u, pasardhëse e Sigurimit të Shtetit.
Gjatë drejtimit të qeverisë nga socialistët, ai do të “rehabilitohej” duke arritur që të rizgjidhet në krye, por këtë herë kryeministër.
Tragjedia e Gërdecit dhe “21 janari” janë dy prej ngjarjeve më të bujshme të qeverisjes së tij të gjatë 8 vjeçare si kryeministër. Pas disfatës së thellë në zgjedhjet e 23 qershorit 2013, Berisha do të jepte dorëheqjen nga PD, edhe pse de facto, çdo vendimmarrje e grupit parlamentar të forcës më të madhe opozitare, nuk është gjë tjetër vetëm një noterizim i asaj që deklaron ai.
Edhe në seancën e së enjtes dhe në mbledhjen e sotme, grupi parlamentar demokrat tregoi se axhendën e PD-së e përcakton ende ish-kryetari, ndërsa kryetari de jure, veçse e propagandon.