Ata jetojnë në një botë me avionë privatë, apartamente pariziane, pushime në resorte skish austriake dhe shkollim në universitetet elitare të Londrës apo Nju-Jorkut.
Prindërit e tyre zotërojnë prona në rrugët më të famshme të kryeqyteteve europiane. Rrjetet e tyre sociale janë të mbushura me rroba firmato dhe evente me tapet të kuq.
Po flasim për fëmijët e pasur të Kremlinit.
Ndërkohë që prindërit e tyre sulmojnë dhe përbuzin Perëndimin, fëmijët rriten në qytete perëndimore.
“Kemi të bëjmë me hipokrizi ekstreme. As nuk e shikojnë kontradiktën. Ata mendojnë se ka një rivalitet Rusi-SHBA, por kjo nuk i pengon që djemtë e vajzat t’i arsimojnë në SHBA”, tha për CNN profesori i Universitetit të Kalifornisë, Daniel Treisman.
Duke u bazuar në postimet e rrjeteve sociale dhe të dhënat e pronave të paluajtshme, Fondacioni Anti Korrupsion zbuloi se familjarët e Dmitry Peskov, zëdhënësi i Kremlinit, zotërojnë automjete luksoze dhe shtëpi të shtrenjta në të gjithë botën, përfshi edhe në Francë.
Pasuria e pashpjegueshme e familjeve pranë Putinit, sipas ekspertëve, vjen nga kleptokracia.
“Kleptokracia është një qeveri e komanduar nga hajdutët, ku politikat dhe vendimet merren në interes të këtyre hajdutëve”, shprehet profesori Jodi Vittori.
Polina Kovaleva, vajza e partneres së Sergei Lavrov, ministër i Jashtëm i Rusisë, ka studiuar në Londër dhe zotëron një apartament rreth 6 milionë $ në këtë qytet
Elizaveta Peskova, vajza 24-vjeçare e zëdhënësit të Kremlinit, Dmitry Peskov, nga martesa e dytë ka studiuar dhe jeton në Francë.
j.l./ dita
Te kthehen edhe keta si une nga Amerika ne Tirane, si une qe me leket e mamit dhe leket e fiqve:
STUDJOVA NE AMERIKE
U MARTOVA NE KALANE E GJINOKASTRES
U BERA KRYETAR I BASHKISE SE KRYEQYTETIT.