Presidenti rus, Vladimir Putin, ka deklaruar sot përpara trupave ushtarake se paqja në botë shihet si shumë e brishtë.
Putin mbajti një fjalim gjatë paradës ushtarake ruse në nderim të fitores kundër nazistëve gjermanë në Luftën e Dytë Botërore, 73 vite më parë.
Krahas fjalimit të mbajtur, në Sheshin e Kuq të Moskës janë shfaqur disa prej armatimeve më moderne e më të fundit të vendit, duke dhuruar kështu një spektakël ushtarak që nuk ishte parë prej kohësh.
Në këtë ditë të shënuar për Moskën ishin të pranishëm edhe shumë liderë botërorë, përfshirë kryeministrin e Izraelit, Benjamin Netanyahu dhe presidentin serb, Aleksandar Vuçiç.
\
s.a/dita