Fotografitë e Shqipërisë që do të bëjnë xhiron e botës

Bukuritë e Shqipërisë do të promovohen për herë të parë  në mënyrë digjitale kudo në botë. Fotografitë më të mira të përzgjedhura në konkursin e fotografisë nga Ministria e Punëve të Jashtme të Shqipërisë, British Council në Tiranë dhe Ambasada Norvegjeze do të përmblidhen në një katalog, i cili do t’u shpërndahet falas përfaqësive diplomatike në botë.

Promovimi i bukurive të natyrës shqiptare bëhet në kuadër të iniciativës #ColoursofAlbania, e cila synon që përmes fotografisë dhe rrjeteve sociale si Instagram, Facebook, Twitter, etj, të përcjellë në botë imazhin e bukurive të natyrës shqiptare, që Shqipëria të bëhet destinacion për investime dhe për turizëm.

Fituesi i konkursit “Colors of Albania” është Nëntor Oseku nga Kosova. “Stafi Colours of Albania bashkë me anëtarët e Jurisë dhe stafin e Ministrisë së Punëve të Jashtme të Shqipërisë foton time e kanë shpallur foton më të mirë të këtij konkursi”, shkruan Nëntori në “Facebook”. /Shekulli/