Asgjësohen 70 bimë të kultivuara narkotike Cannabis Sattiva, ndërsa është shpallur në kërkim kultivuesi.
Droga u zbulua në vendin e quajtur “Noga”, në afërsi të fshatit Turan të Tepelenë. Aksioni u ndërmor nga seksioni i Hetimit të Narkotikëve në D.V.P. Gjirokastër dhe shërbimet e Komisariatit të Policisë Tepelenë. Mësohet se kanabis sattiva u asgjësua në vend me anë të djegies.
Gjithashtu u shpall në kërkim një shtetas (për arsye hetimi nuk jepen të dhëna). Materialet i kaluan Prokurorisë së Rrethit Gjyqësor Gjirokastër për veprën penale “Kultivimi i bimëve narkotike”.
