Kryetari i PD-së, Lulzim Basha pasi i mungoi për 6 vite me radhë Kuvendit, është rikthyer ditën e sotme në sesionin e ri parlamentar, në cilësinë e deputetit të Republikës së Shqipërisë. ‘BalkanWeb’ ka siguruar disa fotot ku shihet Basha ulur në një nga karriget e Kuvendit, ku është pozicionuar edhe opozita.
Ai është ulur pranë deputetit Oerd Bylykbashit, ndërsa shihet teksa lexon rregulloren e Kuvendit, për të cilën tha më herët se e ka harruar. Kjo edhe për shkak të mungesës së tij prej disa vitesh në seancat plenare.
Ditën e sotme pas verifikimit të mandateve, 140 deputetët e rinj u betuan, pas leximit të rregullores së Kuvendit nga Besnik Bare.
