Dy ditët e fundit Policia Shqiptare tregoi veten dhe historinë e saj në bulevardin “Dëshmorët e Kombit” në Tiranë.
Panairi i titulluar “48 orë me policinë”, i dedikohej prezantimit për publikun e gjerë të “aseteve” që disponon policia.
Qytetarët e interesuar panë nga afër automjete të ndryshme që përdoren aktualisht, por edhe që janë përdor në vitet e kaluara, uniforma, pajisje, materiale, etj, që përdoren nga të gjitha llojet e forcave policore në Shqipëri.
Në një stendë të veçantë qëndrojnë krenar edhe policët me katër putra.
Shumica prej tyre janë të trajnuar dhe përgatitur si qen që gjejnë eksploziv, lëndë narkotike, para kontrabandë dhe për të dhënë ndihmë në raste fatkeqësish.
Përmes këtyre fotove të Dita-s njihuni me Pumën, Kontin, Buisnin, Lukasin, Dean, Brandin, Skidin, Dobin… E.R/ DITA
