Qeveria franceze po planifikon të ndalojë inçestin për herë të parë që nga viti 1791.
Incesti aktualisht është i ligjshëm në Francë nëse nuk përfshihen fëmijët, por Adrien Taquet, Sekretari i Shtetit për Fëmijët, tha se qeveria dëshiron ti quajë krim marrëdhëniet incestuese edhe nëse të dyja palët janë mbi moshën 18 vjeç.
Në një intervistë për AFP, Taquet tha: “Sido qoftë mosha, nuk ju lejohet marrëdhënie seksuale me babanë tuaj, djalin apo vajzën tuaj.
“Nuk është çështje moshe, nuk është çështje pëlqimi i të rriturve. Ne po luftojmë kundër incestit. Sinjalet duhet të jenë të qarta.’
Ai tha se donte që pragu 18-vjeçar për inçestin të rishikohej, duke thënë se ishte në favor të një ‘ndalimi të qartë’.
Sipas rregullave të ndryshuara, të cilat do ta njësonin Francën në përputhje me shumicën e vendeve të tjera evropiane, kushërinjtë do të lejoheshin ende të martoheshin.
Ministrat nuk kanë konfirmuar ende nëse familjet me njerkë do të përfshihen në ndalim.
Zoti Taquet shtoi: “Ligji duhet të nxjerrë ndalime të qarta në shoqëri: inçesti është i ndaluar”.
Lëvizja u mirëprit nga Laurent Boyet, kryetari i organizatës bamirëse për mbrojtjen e fëmijëve, Les Papillons, i cili tha se ishte e rëndësishme që inçesti të ishte ‘i ndaluar ligjërisht’ po aq sa tashmë është ‘i ndaluar socialisht’.
Krimet përfshirë inçestin, blasfeminë dhe sodominë u hoqën nga libri i statutit në 1791 – një trashëgimi e Revolucionit Francez që hoqi moralin e frymëzuar nga krishteri i sjellë nga regjimi i vjetër.
a.m/dita