FRD u kërkon pesë vendeve të BE-së të njohin Kosovën. Në një deklaratë për shtyp, grupi rinor i Frymës së Re Demokratike u bëri thirrje Spanjës, Sllovakisë, Greqisë, Rumanisë dhe Qipros që të njohin sa më shpejt pavarësinë e Kosovës, sepse vetëm në këtë mënyrë mund të ndihmojnë në forcimin e paqes, sigurisë dhe demokracisë në rajon.
“Në emër të grupit rinor të FRD-së i shprehim urimet më të mira shtetit të Kosovës në 5 vjetorin e shpalljes zyrtare të pavarësisë. Kosova sot është shteti më i ri në Evropë, por edhe shteti me popullsinë më të re. Kosova ka sot miq të shumtë në mbarë botën, ajo është njohur nga 98 vende dhe është krenare për mbështetjen e jashtëzakonshme të dhënë nga SHBA dhe shumica e vendeve të BE-së”, thuhet në deklaratë.
Më tej, FRD kërkon që politika shqiptare të ulë tonet nacionaliste, pasi sipas saj rruga e vetme e Shqipërisë dhe Kosovës është ajo drejt Bashkimit Europian.