Forumi Rinor Eurosocialist Shqiptar feston sot 21-vjetorin e krijimit. Ceremonia festive e të rinjve socialistë do të mbahet pasdite në orën 16.00, në Pallatin e Kongreseve. Kreu i PS-së, Edi Rama, do të jetë i pranishëm në 21-vjetorin e FRESSH-it, ku do të mbajë edhe një fjalë përshëndetëse.
Festa e FRESSH-it është konceptuar si një ceremoni pa ftesa, ku mund të marrin pjesë të gjithë të rinjtë socialistë.
Sekretari për rininë në PS, Erion Veliaj, shprehet i kënaqur me punën e FRESSH-it gjatë vitit 2012 dhe thekson se të rinjtë do të mbete pjesë e rëndësishme e fushatës së PS-së për zgjedhjet e ardhshme. “Të rinjtë janë pjesë shumë e rëndësishme e fushatës së Partisë Socialiste. Gjatë këtij përvjetori të konceptuar si festë do flasim për të ardhmen, shkollimin dhe punësimin e të rinjve. ot është koha më e bukur për të lënë një gjurmë. Ky është fillimi më i bukur për fushatën. Jam i bindur se të rinjtë do jenë faktor fitoreje për zgjedhjet”, tha ai.