Fronti opozitar po sheh ëndërr se po i bien allatet dashit

Në kohën e çadrës,
qenë dyzet parti,
po kur sosën zgjedhjet,
mbetën vetëm dy!

Mbetën vetëm dy,
në shtizë të flamurit,
shoqja LSI,
dhe PD-ë e Lulit!

Veç këto të dyja,
ca mandate volën,
e gjithë të tjerët,
figurina dolën!

Aty po shoh Shehin,
në të thella rënë,
që vetëm si gërma,
e ka LZHK-në!

Aty shikoj Shehin,
këtë goxha burrë,
që është deputet,
po s’konkuron kurrë!.

Aty shikoj Ndokën,
e filozofisë,
që e ka harruar,
emrin e partisë!.

Ndoka nuk mbledh dot,
as një thes me kashtë,
po gjithnjë ka mbetur,
si një dopjo gjashtë!.

Fatja-mik i vjetër,
që gjithnjë bën zhurmë,
po republikania,
nuk ka as një gjurmë!.

As Dule Vangjeli,
nuk mund të mungonte,
sepse PDNJ-shin,
keq do ta shkretonte!.

Të gjithë këta burra,
janë mysybet,
se nga listë e Lulit,
dolën deputetë!.

Nga fronti i vjetër,
doli fronti i ri,
po këta të pestë,
nuk kanë parti!.

Vetëm Kushua im,
ka parti vërtet,
po për ironi,
s’doli deputet!.

Fronti anti-kanabis,
vazhdon ham e ham,
po aty nja tre a katër,
janë vrasës tamam!

Fronti është një varkë e prishur,
që ngado fut ujë,
që u ngjiz si maskaradë,
me zhurmë e me bujë!

Ata i njeh mirë,
populli shqiptar,
Bir Selman i mëmës,
kë të qash më parë?!

Gëzon Petja dhe Monika,
dhe Lulash’ i gjorë.
mendojnë se u ka ardhur,
zogu artë në dorë!

Flasin si e jëmë e Zeqos,
në degën e thanës,
dhe të gjithë duan të hanë,
veç kokën e Ramës!

Janë të etur për pushtet,
dhe nuk kanë faj,
po të hash kokën e Ramës,
s’është dhe aq kollaj!

Fronti anti-kanabis,
i Mona-Lulashit,
u duket sikur po bien,
dy topet e dashit!

Lidhur në një fill të hollë,
në të parë duken,
po ato të shkretat tope,
kurrë nuk këputen!

Fronti i ri opozitar,
një dru krejt i shkundur.
sepse Rama-një i vetëm,
shumë keq i ka mundur!

A.DUKA