Fruta-perimet, ana tjetër e medaljes

Dërguar me SMS

Në numrin e redaksisë

Ju lutem gazetës Dita që e lexojmë natë e ditë! Ju prodhuesit e fruta-perimeve që ankoheni se po kalben pa i shitur, po pse i rrisni me plehra kimike e helme që ngordhin gomarin e jo njeriun, që injektojnë të gjitha llojet e sëmundjeve, pse nuk ia jepni familjes tuaj përpara se t’i nxirrni në treg? Por doni nga shteti që t’ju mundësojë edhe për import. Ata që bëjnë kështu, nuk janë prodhues, por mashtrues. Kam shumë vjet që nuk fus në gojë domate, as shalqi e të tjera. Që qytetari nga një kokërr domate që ha në ditë, dhe atë me mashtrim të shitësit, po të ishte pa hile e me pleh organik, do hante një kg në ditë. Kështu o “tregtarë të trustit të lulelakrës”, bashkë me kredinë që keni marrë në bankë e me gjithë helmet që po mbysni qytetarin, jeni të sigurt drejt falimentimit. P. Koçi, Tiranë.