Dy të vdekur dhe dy të plagosur është bilanci paraprak i një aksidenti të pasditen e sotme në aksin Milot –Burrel.
Ngjarja tragjike ka ndodhur në vendin e quajtur tuneli i Shkopetit në dalje, ku një mjet “Benz”, me targa AA 923 FH ka dalë nga rruga.
Si pasojë kanë mbetur 2 shtetas të vdekur dhe 2 të tjerë janë dërguar për në spital për të marrë ndihmë mjekësore. Burime nga policia thanë se, dy personat që kanë humbur jetën janë identifikuar si: Fitim Nelku, Afrim Rexhepi..
Fillimisht u dyshua se makina kishte rënë në Liqenin e Shkopetit, por sipas një informacioni paraprak të policisë, mjeti, pasi kishte dalë nga rruga, ishte përmbysur nga një lartësi e madhe, duke përfunduar i përplasur pranë brigjeve të liqenit dhe jo në brendësi të tij.
Ndërkaq policia ka shkuar në vendngjarje dhe po vazhdon veprimet, për të përcaktuar shkaqet e sakta të aksidentit tragjik.
