Situata politike në Maqedoni është vërtet dramatike. Këto janë fjalët me të cilat ka pritur në takim zv.kryeministrin për Çështje Evropiane, Fatmir Besimi, Komisioneri për Zgjerim pranë BE-së, Stefan Fyle. Fyle ishte vonuar ca minuta në takimin me zv.kryeministrin, pikërisht sepse po fliste në telefon me presidentin e shtetit, Gjorge Ivanov. “Po flisja deri tani në telefon me presidentin tuaj. Situata është vërtet dramatike në Maqedoni”, ka deklaruar Fyle.
Fule dhe Besimi kanë folur për krizën politike dhe kanë konstatuar se situata aktuale cenon njërin prej kritereve të Kopenhagës që lidhet me pjekurinë e institucioneve politike dhe që është me rëndësi të jashtëzakonshme për përparimin e integrimit evropian. Ndërkohë, zv.kryeministri ka njoftuar se në takime u ka komunikuar zyrtarëve evropianë përcaktimin personal dhe të Maqedonisë, për anëtarësimin në Bashkimin Evropian dhe për vazhdimin e Dialogut në Nivel të Lartë. “Me bashkëbiseduesit biseduam për raportin për progresin e arritur nga Dialogu në Nivel të Lartë dhe për marrëdhëniet fqinjësore, që është një nga konkluzionet e Këshillit të BE-së. Gjatë këtyre takimeve, u vu fokusi mbi progresin dhe tejkalimin e të gjitha sfidave për situatën aktuale politike, në atë mënyrë që të vihet në rend të parë interesi i qytetarëve dhe i shtetit, lidhur me perspektiven euroatlantike”, ka deklaruar Besimi.
Leave a comment