Ai peticioni është një turp i madh. Ata që e kanë firmosur ndoshta nuk kanë asnjë lidhje me shoqërinë për të kuptuar nervin dhe shqetësimet e saj sot. Të vënë kësisoj në shërbim të një individi ata i bëjnë së pari vetes një dëm shumë të madh. Shqipëria është një vend i vogël dhe njerëzit njihen mirë njëri me tjetrin. Të rendësh sot pas marrëzisë së një individi të urryer masivisht në qytetarinë shqiptare si Berisha, nuk është as veprim i mencur dhe as qytetar mbi të gjitha. Një pyetje kam për disa nga firmosësit: Mos duhet t’i themi lamtumirë pluralizmit? T’i hapim dyert diktaturës së ndritur të “bonsensit”? Në çdo vend pak a shumë normal, lufta politike nuk është luftë personale midis politikanëve, por pasqyron kundërvëniet dhe ballafaqimet e ndryshme në shoqëri, ekonomi e kulturë. Të bësh thirrje “mirato tre ligje” kur qeveritarët e këtij vendi shkelin përditë ligjet egzistuese është ironi e madhe. Bëjnë mirë të jenë të përgjegjshëm për atë që po i ndodh Shqipërisë, në vend që ta kalojnë kohën duke bubullitur kundër Edi Ramës nëpër “peticione”, ose duke i lëpirë fundbarkun autokratit të radhës
SMS në DITA në 0689073730