Reshje shiu dhe dëbore pritet që të mbizotërojnë në vendin tonë gjatë kësaj fundjave, veçanërisht në zonat malore.
Sipas IGJEUM, pasditen e sotme mbi vendin tonë do të mbizotërojë mot i kthjellët ku era do të fryjë lehtë.
Në pjesën veriore të vendit pritet të ketë reshje, kryesisht në qarkun e Shkodrës dhe të Kukësit.
Ndërsa ditën e shtunë pritet që reshjet të përfshijnë të gjithë vendin dhe do të shoqërohen me shtrëngata në qarqet e Shkodrës, Kukësit, Dibrës, Elbasanit dhe Gjirokastrës, ku në zonat malore do të ketë dhe reshje dëbore.
Temperaturat minimale dhe maksimale të ajrit pritet të arrijnë:
në bregdet: 8 °C / 15 °C
në vendet e ulëta: 7 °C / 12 °C
në vendet malore: 2 °C / 6 °C.