James Rodriguez është lloji i futbollistit që Bayern ka kërkuar prej vitesh.
Jo për cilësitë teknike, por për forcën që ai ka në aspektin e marketingut. Reputacioni që mesfushori ka krijuar është kaq i madh, saqë mund të thuhet se shet po aq fanella sa “Aple” celularë “iPhone”.
Në vitin 2014, kur James u transferua te Real Madrid, për shumë pak ditë klubi spanjoll shiti 345 mijë fanella, të cilat gjithsej sollën 33,4 milionë euro të ardhura, thuajse gjysma e shifrës që presidenti Florentino Perez pagoi për ta blerë nga Monaco, 80 milionë euro.
Kjo, sigurisht, nuk do të thotë se kolumbiani ka “nxjerrë” gjysmën e parave të shpenzuara nga “Los Blancos”, sepse klubet nuk fitojnë 100% të të ardhurave nga fanellat, por është një fakt që tregon shumë.
Ndërkohë, Bayern po ndryshon shumë gjëra prej 26-vjeçarit.
Rekordmenët vitin tjetër mund të shkojnë në Amerikën e Jugut, ku mund të organizojnë një apo dy ndeshje miqësore. Përveç kësaj, ndryshe nga ç’ka ndodhur më parë, James po shet jashtëzakonisht shumë fanella me numrin 10 në Kolumbi, edhe pse numri i tij si bavarez është 11-a.
Kjo ndodh sepse atje ai njihet ndryshe edhe si “Dhjeta”.
Bayern, normalisht, nuk e ka problem këtë, sepse fanella me numrin 10 kushton më shumë se ajo me numrin 11.