Persona të paidentifikuar hapën zjarr dhe qëlluan në drejtim të një banese në lagjen ‘Magaze’ të Fushë Krujës gjatë natës.
Mësohet se është qëlluar drejt banesës së 56-vjeçarit me iniciale B. B. Fatmirësisht, nga ngjarja nuk ka asnjë person të lënduar, ndërkohë që policia ka nisur hetimet.
Në vendngjarje u gjetën dhe u sekuestruan disa gëzhoja. Policia thotë se plumbat kishin prekur portën e jashtme të banesës. Nuk dihen shkaqet e ngjarjes./E.T