Ngjarja e ndodhur në Kamëz, ku iu vendos tritol shefit të Policisë së Burgut Fushë-Krujë, është shoqëruar me rritjen e masave të sigurisë në këtë burg dhe kontrolle në qelitë e të dyshuarve. Pas kontrollit, filloi procedimi penal për Emiljano Tema, 27 vjeç, banues në Shijak, sepse në qelinë e të dënuarit me 25 vjet heqje lirie për “vrasje në rrethana të tjera cilësuese”, iu gjetën 3 gramë hashash, që u sekuestrua edhe si provë materiale, ndërsa po hetohet mënyra se si është futur droga brenda.