Një mobileri është shkrumbuar nga zjarri në fshatin Larushk të Fushë-Krujës. Ngjarja ka ndodhur rreth orës 04:00 të mëngjesit të sotëm.
Menjëherë në vendin e ngjarjes kanë mbërritur forcat e zjarrfikësve, por nuk kanë mundur të shuajnë flakët e zjarrit, çka ka sjellë djegien e të gjithë punishtes.
Dyshohet se shkak i rënies së zjarrit është luhatja e tensionit. Ndërkohë nuk raportohet për të lënduar, ndërsa dëmet materiale janë të konsiderueshme.
Punishtja e përpunimit të drurit ishtë në pronësi të shtetasit Altin Rryta.
Pranë mobilerisë ka pasur edhe banesa, por fatmirësisht nuk janë prekur nga zjarri./ora