Prokuroria e Athinës kërkon nisjen e hetimeve në Shqipëri për një shqiptare që ka fyer simbolet e shtetit grek në Facebook. Autoritetet greke kanë kërkuar hetimin e përdoruesit që ka publikuar fotografi ku shfaqen persona me automatikë kallashnikov në duar. Autoritetet e shtetit fqinj pretendojnë se profili në Facebook është hapur në një kompani shpërndarëse interneti në Shqipëri. Pak ditë më parë, Gjykata e Tiranës e ka pranuar kërkesën e drejtësisë greke dhe ka urdhëruar Prokurorinë e Tiranës të kryejë verifikimet e kërkuara nga pala greke.
Në vendimin e Gjykatës citohet kërkesa e palës greke, sipas së cilës, Prokuroria e Athinës ka filluar hetime paraprake për “armëmbajtje pa leje në bashkëpunim” dhe “fyerje të simboleve të shtetit helen në bashkëpunim”, vepra të parashikuara në Kodin Penal të Greqisë.
Leave a Comment