PD: Qeveria po fsheh të dhënat zyrtare për financat në muajin korrik.

Në konferencën e sotme për shtyp të Dorian Telitit, këshilltar për ekonominë në grupin parlamentar të PD­-së, u akuzua qeveria se po fsheh të dhënat zyrtare për financat në muajin korrik.

“Qeveria vazhdon të fshehë të dhënat zyrtare për financat e muajit korrik, edhe pse zyrtarisht duhej të ishin publikuar me 20 gusht. Informacionet paraprake tregojnë se muaji korrik është sërish një gërshetim i dështimit me korrupsion dhe të ardhurat nga doganat dhe tatimet janë shumë më poshtë se sa plani. Mungesa e transparencës në këtë drejtim, është thjesht thellim i abuzimit dhe mbulim i hajdutërisë masive në tatime e dogana. Kërkojnë ta fshehin këtë gropë financiare që u kushton qytetarëve, me aksione propagandistike, por në fund janë shifrat që vlejnë dhe jo llafet”, deklaroi ndër të tjera këshilltari demokrat.

Por, prej disa ditësh të dhënat për muajin korrik janë lehtësisht të aksesueshme për të gjithë.

Duket se pushimet e deputetëve dhe të specialistëve të ekonomisë në PD, kanë ndikuar në vigjilencën e tyre për të kontrolluar më parë faqen e Ministrisë së Financave.

Të dhënat e publikuara në faqe nga Ministria për muajin korrik