Këtë verë, sulmuesi i kombëtares shqiptare, Shkëlzen Gashi, mund të transferohet te Lazio, por vetëm nëse lacialët arrijnë të sigurojnë një biletë për në Champions League-n e sezonit të ardhshëm.
Mediet italiane kanë shkruar të premten se lojtari i Baselit po monitorohet edhe nga shumë skuadra të tjera europiane. Gashi është duke kaluar momentet e tij më të mira në karrierë dhe është pranë shpalljes “Këpuca e Artë” në Zvicër për të dytin vit radhazi.
Derbi i së hënës mes Romës dhe Lazios do të jetë vendimtar për të kuptuar nëse Gashi do të transferohet në kryeqytetin italian. Aktualisht, Lazio mban vendin e tretë në klasifikimin e Serisë A, kur kanë mbetur edhe dy javë në përfundim të kampionatit.
Objektivi i lacialëve është vendi i dytë, në mënyrë që të shkojnë direkt në fazën e grupeve, pasi vendi i tretë detyron të luajnë në eliminatoret e gushtit. Po ashtu, me rikthimin në Champions, Lotito do të paguante edhe shumën e kërkuar nga Baseli për sulmuesin shqiptar.
Duke percjell transferimin e lojtarve si te Sh. Gashit ne Lacio do e kisha preferue qe spaku nje koh ta kaloj ne ndo nje klub gjerman siq esht borusia e Dortmundit Bremen shalke 0 4 APO ne Volsburg ku po shkelqen dita dites ose edhe ne M.gladbach.
Qdo lojtar ne Itali po shkatrrohet kete e deshmon Klose,te tjer besa edhe shaqiri,kjo esht nga deshira qe lojtar si Sh. te arrijn ne rangun e lojtarve botrore por qe i deshirojm suksese dhe tamam me lojen kthyese me serbin fqinje ti tregoi se kush esht shqiptari.