Genaro Gattuso po përgatitet për aventurën e tij më të re si trajner i Milan por një “surprizë” i është bërë nga dy gazetarë të “Le Lene”.
Gazetarët i kanë kërkuar teknikut që të thërrasë “Forca Milan” në gjuhën kineze por në të vërtetë ka rezultuar një kurth për ish-lojtarin e Milan.
Fjalët që Gattuso përsëriti në të vërtetë ishin “Forca Inter”, çka bëri që gazetarët t’ia plasnin të qeshurës.
Menjëherë sapo Gattuso e kuptoi se kishte rënë në kurth reagoi në mënyrën siç ai di të bëjë, i kapi me grushte e shqelma gazetarët.
Tekniku italian do të ulet në pankinë të dielën në ndeshjen ndaj Beneventos, ekipit të fundit në Seria A.