Genti në versionin e tij më gjeo-strategjik!

Deputeti i PD, Gent Strazimiri, ka marrë flakë ( jo, jo, shaka, por edhe po të kishte marrë, ka rënë shumë shi  këto ditë. Ai duket se e ka ndarë mendjen: ka vendosur t’i shpallë luftë SHBA-së. U është kundërpërgjigjur deklaratave të dy ditëve më parë të ambasadorit të SHBA-ve, Aleksandër Arvizu, i cili i cilësoi të ulëta akuzat e bëra ndaj ushtrisë për përfshirjen në trafik droge.

“Na duhet urgjent një ambasador i SHBA në Tiranë në mënyrë që dikush të mbrojë interesat strategjike dhe lidhjet mes dy vendeve. Në vetëm 9 muaj qeverisje krejtësisht anti-amerikane: u mashtrua si kurrë më parë qeveria e SHBA dhe populli shqiptar për armët kimike, madje u tentua që protesta të orientohej drejt ambasadës amerikane që t’i shpëtohej fytyra Kryeministrit mashtrues; u thye embargoja ndaj Iranit ditën për diell, e denoncon Financial Times, Bloomberg në Nju Jork dhe Rilindja Demokratike në Tiranë. Për herë të parë pas 23 vjetësh, shpallet nga një qeveri shqiptare si ‘partner strategjik’ Turqia jo SHBA, madje në ditën më të turbullt për demokracinë në Turqi. Ky vend ka parë ditë pa President, Kryeministër apo edhe pa qeveri por pa ambasador amerikan qenka krejt tjetër gjë, qenka shumë e ulët”, – shkruan deputeti i PD-së në një postim të publikuar në rrjetin social Facebook. Pupupuuu, sa gjeostrategjik është bërë ky djalë! Ruajna Zot mendtt’e kokës!