Një testim më i sigurt dhe më efikas se amniocenteza (analiza e lëngut amniotik). Mjekësia tashmë propozon një mënyrë të re, nëpërmjet të cilës zbulohet nëse fetusi në barkun e nënës ka anomali. Është një analizë e thjeshtë e gjakut të nënës. Testi në thelb gjenetik diagnostikon anomalitë kromozomike të bebeve që në javët e para të shtatzënisë.
Analiza më e re në fakt është ende një studim, që është publikuar në “American Journal of Human Genetics”, por mund të hyjë shumë shpejt në praktikën klinike, duke u bërë një alternativë më e shpejtë dhe pa dhimbje për nënën.