Në një video të publikuar së fundmi shihet momenti kur gjeneral majori i Forcave Ajrore Amerikane, James Martin, ra pa ndjenja gjatë një konference të Pentagonit të martën e shkuar.
Gjenerali, Sekretar i Përgjithshëm i Forcave Ajrore të SHBA-së për buxhetin po jepte detaje mbi planet e tij të ardhshme për avionët luftarakë F-35 kur papritur humbi ndjenjat.
Zyrtari u ndihmua nga kolegët e tij për t’u larguar. Kolegia e tij e Forcave Ajrore, Carolyn Gleason, e cila zëvendësoi Martin në seancë, tentoi të bënte shaka me ngjarjen: “Ja çfarë do ju bëjë F-35”.
Raportohet se të mërkurën gjenerali është kthyer në punë, por motivet e kësaj gjendjeje shëndetësore nuk u informuan. /DITA