Policia gjermane ka gjetur në një liqen trupin e pajetë të një 19-vjeçari shqiptar.
Siç raportojnë mediat vendase, i riu shqiptar është Xhoi Musaj dhe sipas hetimeve të prokurorisë dhe policisë, i riu shqiptar është viktimë e një krimi të dhunshëm.
Ngjarja e rëndë ka ndodhur në Erbach, ndërsa shqiptari ishte me vendbanim në landin Nordrhein-Westfalen.
Sipas autopsisë, trupi i 19-vjeçarit shqiptar ka plagë të rëndë, të cilat i kanë shkaktuar atij edhe vdekjen.
Viktima është gjetur nga banorë të zonës.
Ndërsa policia bën të ditur se viktima kohët e fundit ka banuar në Steinfurt të landit Nordrhein-Westfalen.
Nga mesi i muajit prillit ai kishte ardhur me tren në drejtim të Gjermanisë së jugut
Policia po punon për zbardhjen e kësaj ngjarje, ndërsa ka vënë në dispozicion edhe 3 mijë euro kush jep informacion për identifikimin dhe kapjen e autorëve.